monumenta.ch > Plinius > sectio 88
Word Selection for Searching
Report an Error in this Sectio
Plinius, Naturalis Historia, 24, 88
{LI} Cognata in Aegypto res est harundini papyrum, praecipuae utilitatis, cum inaruit, ad laxandas siccandasque fistulas et intumescendo ad introitum medicamentorum aperiendas. charta, quae fit ex eo, cremata inter caustica est. cinis eius ex vino potus somnum facit; ipsa ex aqua inposita callum sanat.